.jpg)
خليك في حالك وسيبني في حالي..!!!
لا هاسألك عن الي جرالك...ولا تسألني عن الي جرالي!!!***
الهوهوه...طبيعه من طبايـعنا...وبيقولوا علي صوتنا النباح.
اذا كان الأمر متاح ...فـليتاح للجميع النباح ...وانا أقول الهوهوه.
لا تغضب فأنا وحدي الذي يهوهو...ولن نهوهو... سوا
*** *** *** ***
هوهوه الجرايد ...والكلام للكل وعـلي الكل عـايد.
زي هوهوه المدونات ...ويا كثره البنات...وحلاوه الهوهوه.
ولا كلام القهاوي ...وفشكله فشكول وفركشه فركشاوي...
ومين بيقتل مين... ومين بيـداوي؟
*** *** *** ***
وقالو زمان الدنيا مسرح كبير... والكلام ع الراوي
رجب التركي قال كلمتين ...حملوا علينا كتير من الحكاوي
والعقل والله ...خاوي.
محترف كلام أنت ولا هاوي؟
*** *** *** ***
بمب معسكرات ...كلام مؤتمرات.. مفاوضات..
مهاترات ولا حد بايع ...ولا حد شاري.
ولا حد سامع ولا حد داري...
ايه الي بيحصل ؟
أنا خبير أستشاري!!!
أنا بس أبين ...وأنا بس أداري...
حـد فيكم ...داري ...بعـاري ؟؟؟
*** *** *** ***
هناك 8 تعليقات:
اول تعليق ... ايه السعاده اللى انا فيها دى
تسلم ياهو هو وتسلم هوهوتك
ازاى نسيبك فى حالك وانت حالك حالنا واللى جرالك جرى لنا ... والى بيصبرنا افشكله والفركشه والهوهوه
واحنا بنقول معاك مهاترات ولا حد بايع ...ولا حد شاري.ولا حد سامع ولا حد داري...ايه الي بيحصل ..ياغلبى يا نارى
ازيك يا هوهو .. هلت ليالى القمر واحشنى يا راجل هوهوتك
شوف بقى انت مبدع وبتقول اللى انا عايز اقوله بس فى اسلوب شيق وسلس مش انا اللى عمال اعك وخلاص شوف بقى كلمتينك دول
***بمب معسكرات ...كلام مؤتمرات.. مفاوضات..مهاترات ولا حد بايع ...ولا حد شاري.ولا حد سامع ولا حد داري...ايه الي بيحصل ؟أنا خبير أستشاري!!!أنا بس أبين ...وأنا بس أداري...حـد فيكم ...داري ...بعـاري ؟؟؟ *** *** *** ***
كلنا داريين بعارنا وحاطين وشنافى التراب وساكتين بس رجب طيب اردوغان طلع ابن العثمانيين فعلا .. اصلهم شوهوا الخلافه العثمانيه وعايزه تانى يتكتب عنها بنزاهه .
تحياتى يا هو هو
هوهوه القهاوي كلام للغاوي زي الصابون زحلقه ورغاوي ان جه علي الجرح يوجع مش يداوي
هوهو برايك هوهو لوحدك
واحد او اتنين الصوت جامد ومتين
هوهو وقول الحق هتعرف تقول الا
سلام للهوهوه والصوت والنونوه
شكرا لك
مع إن الكلام بيبان إنه هجص وبلا هدف
بس بجد ده مش حقيقى
كلام جامد وبيتكلم عن واقع كلنا عايشنه وكلنا حاسينه .. وكلنا كارهينه
السلام عليكم.........
اول مرة ازور مدونتك...... فعوزة بس اعرف حاجة ايه سر تسميتك للمدونة بهوهووه لو ممكن نعتبره تطفل اكون اسفة ليه بس فضول ........حلوه القفيه الى انت بتكتب بيها....... وصوتك حيوجعك اوى من كتر الهوهوووووه بلدنا كبرنا فيها نهوووهو ونقول راينا ومش بيحصل جديد بنتكلم وخلاص بس يلا علشان نروح عن نفسنا وكفاية كبت .....اصلنا فى بلد ديمقراطية ......لك كل تقدير واحترام.
ايه دااااااه انا اول مرة اعدي هنا بس مبسوطة اخر حاجة اني اتكعبلت في بلوجك
بلوجك عسول اخر حاجة على فكرة
بجد بجد يعني
هتلاقيني اكيد بنطلك كتير خالص مالص
miro el niro kwaniro
هههههههه
هوهوات حلوه
بانتظار التفاصيل :)
إرسال تعليق