الخميس، 8 يناير 2009

هـزه... هـزه...ونسيـنا غـزه!!!


ياحلاويه ...حـلاوه نقـاوه وآخر شقـاوه

ربـنا انعم علينا بالانف ...علشان نحط عليها النضاره

او نشنكها كده علي الغلابه.

..تعرفو المنخير ؟

طبعا كتير ...منكم ما يعرفش المناخير

بص شوف ...المنحوس وهو بيتكلم تلاقيه بيلعب بصباعه السبابه في خرم منخيره.

بيسلكها ...ولا بيشم ...ولا عنده دم.

احنا بنقـول ...لعـم فشكول علي طول يـا عـم

بالله عليك ...في في بلدنا حـد عنده ...دم

من غير هوهوه ...ولا شتيمه ولا ...ذم

بالله عليك في في بلدنا حد عنده ...دم

*** ***

لا ...يا عم

انا ما بحبش اللحمه العريانه

اللحمه الي بتحبها لامم عليها الدبان

تفتكر ...جريتا جربو ..ولا نانسي عـقـرب..

ممكن ...لا بلاش يا عـم ...انا عـندي دم في غـزه سايل

وبقول كلام كتير ...وبيقولولي كتير دا انت هـايل

ومش دريان يا ما من الهم شايل...وتهل الهلايل

فين زمانك يا أبوزيد؟...وايام خضره الشريفه؟

خـلاص ...خلـصنا ...

وما عــدتش هناك ارض نضيفـه!!!

هناك 10 تعليقات:

فشكووول يقول...

يا أخى يشاء الله ان اكون انا اول تعليف .

فشكووول يقول...

آه اصل التعليقات عندك بتحجزها .. ماشى يا عم .. صحيح ما عدش حد عنده دم ولا عرض صحيح ولا عاد حد بيفهم فى اللحم .. اصل اللحم نوعين .. زى ما انت قلت عندى .. الابيض.. والاحمر .. والابيض بقى انت عارفه .. والاحمر بقى اللى عليه دم واصل دمنا ما بقاش فيه دم .. بقى دم ميه .. هو دمنا ولا دم كبراتنا .. والله ما انا عارف يا هوهو

الازهرى يقول...

ما علينا
انا بقى كده فهمت كلامك عندى

ايام خضرة الشريفة كانت الشعوب رجاله بجد
اما دلوقت كلهم تصنيع صينى وحياتك

بس خلاص ... يقول...

عمرنا مانسينا غزة ..وبكرة اللى ناسى وغفلان هيجى يوم يصحى ويفتكر
الخير فينا الى يوم الدين
لاتيأس يا اخى
انت فين ليه منقطع عن التدوين

أميرة الجنة يقول...

السلام عليكم
فى كتيرررررررررررر معدش عندهم دم بس فى برده ناس دمها لسه احمر بلون الدم الحقيقى
اللهم ارحم شهداء غزة وانصر اهلها على اعدائك
تقبل منى مرورى الاول على مدونتك الرائعة

فشكووول يقول...

مين قال لك على اسمى
فين زمانك يا ابوزيد .. مين عرفك بابوزيد .. هو انت بتشتغل فى المباحث ولا فى امن الدوله ولا فىالمخابرات
من فتره ما هوهوتش عندك وجيت اهوهو النهارده .. هو .. هو .. هو

فشكووول يقول...

فين الهوهوه يا هوهو .. اتارى ودنى اليومين دول مستريحه .. ماهو ما فيش هوهوه ولا حاجه .. وعلى فكره .. طول ما انت ساكت مش حهوهو عندك تانى ..
يالله .. سلام

فشكووول يقول...

يا عمنا روح بقى هوهو فى حته تانيه .. اصل الحته دى شبعت من الهوهوه
ويظهر ان صوتك اتنبح وما عدتش قادر تهوهو

فشكووول يقول...

ازيك يا هو
شوف يا عمنا .. الحكايه انى انا مش مصر ولا حاجه .. الحكايه ان انا كل ما كنت اتكلم مع اصحابى كنت اقول .. هما سايبينا نهوهو زى الكلاب ولا حد ساءل فينا .. وبعدين انت قعدت تهوهو وعملت حاجه انا كان نفسى فيها بس ما كنتش عارف ازاى وانت بتؤدى الهوهوه اللى انا نفسى فيها وبتعبر عن شعورى اللى انا مش عارف اعبر عنه .. يعنى بتؤدى دور انا بحبه .. عشان كدا انا متمسك بيك .. كمان فيه حاجه
متهيأ لى انت وحاجات عيال لسه ما بتروحوش لبعض .. يا اخى انت كريم ابتدى بقى من الاول وروح زور عشان يبقى الموضوع صافى يا لبن .. وتلاقى تانى يوم جاى لك حليب يا قشطه .. وابتدى اعمل زيارات للناس كلها عشان نسمع هوهوه كتير تانى
... ما شى يا هوهو
اسيبك بقى .. سلام

د. ياسر عمر عبد الفتاح يقول...

مهو علشان مبقاش فيه أبو زيد
خضرة مبقتش شريفة
وعلشان عنترة بقى بيعمل سبايكى وبيلف سجاير.. عبلة بقت نجمة بورنو كليب

يعنى الرجالة السبب من الأخر
اما بالنسبة لغزة .. فده موضوع كبييييير