الاثنين، 7 ديسمبر 2009

وجع دماغ .

من جريده الجمهوريه هذا الخبر...يا خَبر!!!

الاثنين 20 من ذى الحجة 1430هـ - 7 من ديسمبر 2009م

أكد د.مفيد شهاب وزير الشئون القانونية والمجالس النيابية أن منصب رئيس الدولة يحتاج إلي شخصية قيادية حزبية تتفهم طبيعة العمل السياسي ويستند إلي قدرة ومقومات وفهم متأن لمسئوليات هذا المنصب الحساس.

قال د.شهاب علي هامش ندوة الأجندة التشريعية التي نظمتها أمانة الحزب الوطني بالإسكندرية إن هذه الصفات بجانب نصوص الدستور التي تستند إلي الممارسة الحزبية تقف حائلاً أمام مناورات التيارات الحزبية للزج بشخصيات علمية دولية إلي هذا المضمار في خلط واضح للأوراق.. فلا يمكن أن يكون النبوغ في فرع من فروع العلم مسوغاً لإقحامهم بلا مبرر في هذا المضمار.





استبعد د.مفيد شهاب أن يكون الدكتور محمد البرادعي يفكر بجدية في الترشيح لهذا المنصب الكبير وإن كان يفكر في ذلك فهو مخطيء.. وأضاف أن البرادعي مواطن مصري عالم في تخصصه وله قيمته وثقله وشرف بلاده لكنه قضي فترة كبيرة بعيداً عنها وينقصه خبرة العمل السياسي والحزبي.
مفيد شهاب: منصب رئيس الدولة يحتاج إلي شخصية قيادية تتفهم طبيعة العمل السياسي
البرادعي عالم له قيمته ولكن تنقصه الخبرة السياسية والحزبية
( وجـــــع الـدمــــــاغ )

ترزيه القوانين لم يكتفوا بتفصيل القوانين فذهبت مقصاتهم للدستور ودستروه علي هواهم . و لم أكن أتخيل انهم جهله الي هذا الحد ...يبدو من تصريح أحدهم أنه يظن ان الدكتور البرادعي عالم في مجاله ( الطاقه الذريه ) ولا يعرف أن الدكتور البرادعي خريج حقوق ...دراسته قانون لا علاقه لدراسته بالطاقه الذريه .
منصب رئيس الدوله يحتاج لشخصيه قياديه ...والبرادعي كان بيلعب في هيئه الطاقه الذريه لم يكن قائداً و مديراً لها لسنوات . ولم يكن يتفهم طبيعه العمل القيادي ولا السياسي ... وهو يتعامل مع كل جنسيات العالم ... راجل لا يعرف شيئ عن السياسه و لا الأحزاب . الوكاله الدوليه كان فيها حزب واحد بس ... زي بلدنا الحبيب .
لا يملك هذه الخبره السياسيه و الحزبيه غير من يمر من بوابه هؤلاء الترزيه ... واضح و معلوم أنهم قد تربوا و ترعرعوا و جوعوا شعب مصر علي مدي ربع قرن ويزيد ...فقد أكتسبوا الخبره السياسيه والحنكه والكياسه وهم أرباب السياسه و نحن ...لا نفهم .





كي تتأكد أننا لا نفهم ... تأمل بالله عليك العلم بجانب رئيس الجمهوريه .
علم الجزائر دا يا هوهو.
بحبك يا بلاااادي... يا بلاااااادي بحبك .

بحبك يا بلاااادي... يا بلاااااادي بحبك .







هناك 10 تعليقات:

donya يقول...

مساءالخير
ماهو يادوب اتقال ان البرادعي يمكن يرشح نفسه للرئاسه
وكأنه قال هجووووووووووم
وهات ياهبل وكلام عبيط علي الرجل
من اللي اتقال مثلا انه كان الاخير علي الدفعه
ومثلا انه ماقعدش كتير في الخارجيه

وهات ياهبل ولسه هيطلعوه حرامي غسيل في الاخر

ومن امجاد ياحامل نوبل
الي اللي مابيفهمش في حاجه اصلا
ونسيوا ان كل الزعماء كانوا من خريجي الحقوق

تحياتي

واحد من العمال يقول...

السلام عليكم
هو بصراحه لاطلع مفيد ولا طلع شهاب
طلع دكتور قانون وبيشتغل ترزى وتخصص تقييف يعنى يركب سوسته يطول بنطلون يوسع الكمر شويه لأحتواء الكرش
وبتاع كل العصور
اتحاد أشتراكى تلاقيه وفى الأتحاد القومى تراه وفى الحزن الوطنى الديمقراطى قاعد يفصل ويدافع بس بالحته

ودمت بخير

amirelhob يقول...

بوست جميل اوى وفعلا الخبر دا كان لازم يتعمل عليه زوم زى ما انتى متالقه فى كتابتك كمان متالقه فى اختيارتك لاخبارك وتوبيكالتك ربنا يوفقك يا رب كدا ويسعدك ويا رب دايما كدا فى الافضليه ومدونتك تبقى الاولى لانها كمان فيها جوا من الضحكه فى الديزن يجنن ومن قلبى بتمنلك كل خير وسعاده وصحه وتوفيق وفرح وابتسامه تدوم يا رب طو ل العمر

العيسوى الصغير يقول...

اعتقلو ا الواد دا يالا مش عاوز اتحبس

فشكووول يقول...

السلام عليكم هوهو

تحياتى

كل عام وانت بخير وبتوحشنا قوى

واضح يا عم هوهو ان اللى بيفهم فى السياسه فى العالم دا كله هما اتينين بس وهما الراجل الكبير وابنه وما فيش حد غيرهم بيفهم فى اى حاجه ولا سياسه ولا اقتصاد ولا حتى طب

واخدلى بالك من الحمله القوميه لقصف البرادعى فى الصحف القوميه لمجرد انه فكر بس يتكلم .. امال لو فكر يفعل يحصل ايه .. بلد عايزه الحرق وصحافه عايزه الحرق

م/ الحسيني لزومي يقول...

نحن مقبلون علي لحظات حرجه في تاريخ مصرنا
انتخابات مجلس الشعب 2010
انتخابات الرئاسه 2011
هل اعددت نفسك لتقول كلمتك
هل سجلت نفسك في الجداول الانتخابيه
اذا كنت قد سجلت نفسك ادعو غيرك
الحمله الشعبيه للقيد بالجداول الانتخابيه
باقي من الزمن 45 يوم

الملكة هند يقول...

كلامك صحيح

بس تقول اية زمن عجيب

تحياتى

الشجرة الأم يقول...

يا خبر إيه الكلام المتبهلل دا .. دا كلام كبير أوي في حد يحب بلادي .. دا بلادي بتعتي أنا وبس، اتبهلل فيها زي ما أنا عايز ولا مش عجبه يروح يبلط النيل يا منيل ..

نقلا عن الريس

lostlove يقول...

انا مليش في السياسيه بس وعد البوست الجاي رائ هيكون موجد

بس علي فكره المواضع جرئ وي يودي مارينا
اتمني التوفيق
وحاسب علي نفسك من الناس الي كلمنا خفيف عيلهم

واحد من العمال يقول...

السلام عليكم

انه ليس مفيد وليس شهاب
إنه ترزى تعديل وتظبيط دساتير على المزاج وبيفصل بالحته

ودمتم بخير