الاثنين، 23 نوفمبر، 2009

كل عام وانتم بخير

الايام دي أيام مـفـترجه ..
لكن الأخوه في الجزائر قـلبوا الدنيا و عـملوها مجزره.
جعلوا من الكره قضيه أمن قـومي ... خـلوها مصخـره .
عموما الكره فيها العجايب والغرايب ...
و بطبيعه البشر حُب الذات و الأنانيه ...
لا ننكر علي الجزائريين فرحتهم بالنصر .
لكن ما ننكره الكلام الغريب الذي لا معني له ...
والأفعال البربريه التي لا تدل علي وجود بشر .
علينا ان ننظر الي الملعب اثناء اللعب ...
وفي ساعته الساحه ساحه مباراه شريفه ...
وفي البدايه والنهايه لعبه تحكمها قوانين ويديرها حكام .
الجمهور عليه ان يشجع فريقه بكل وسيله محترمه ...
وسب الفريق الآخرأسلوب غير محترم ...
لا يخرج الا من جمهور بربري .
الكلام ليس عن ماتش الكوره بين مصر والجزائر
الكلام عن الكوره بوجه عام وما يحدث في الملاعب .
اين الفرق التي يمكن ان تشارك هؤلاء إذا كانت اخلاقهم هكذا ؟
تحديــــــــــــــــــــــث .
أنا لا أحب الكوره و لا ألعبها ...ولا بتفرج عليها من أصله .
لكن كل ما أفتح راديو تليفزيون قناه مصريه ..ما فيش غير الحكايه ديه !!!
حتي في النت ...تقريباً كل الناس بتتكلم عن الموضوع دهون ...
ليه أنا بس ما اتكلمش ؟
دا أنا اتكلم ...واتكلم ...و أهوهو ...و أملأ الدنيا هوهوه .
وأحب أقول لكل حبايبنا الليّ بينونو نونوه صغيره ...
يزعقوا حبتين علشان فيران الكوره تهرب تروح عند الجيران ...
لا... لا... حرام خليها تلبد أحسن .
بشكر عم فشكول و أمير الحب ربنا يملي قلبك حب يا أمير...
بشكركو أوي أوي يا جماعه ...باااااااي

هناك 9 تعليقات:

amirelhob يقول...

يا رب اكون اول كومنت بس صدقينى الكلام عن الجزائرين كتير عليهم والله وبجد مش يستهلوا و كل سنه وانتى بخير وبجد يا رب المدونه دى تنجح وتكبر اكتر واكتر هى يمكن اول مره اجى بس ان شاء الله مش هتبىق الاخير ومن قلبى بجد بتلمنك كل خير وسعاده صوحه وتوفيق وفرح وابتسامه تدوم يا ر ب طول العمر

فشكووول يقول...

السلام عليكم هوهو

يا عمنا ما تشغلش بالك .

دى كوره واللى بيشتغلوا فيها هما المستفيدين من كل حاجه

بذمتك لما يتوفر لنا ييجى 30 مليون جنيه اللى كانوا حيندفعوا مكافأت للعيبه والاداريين والاتحادا والمنفعجيه .. مش احسن من لو كنا فزنا ورحنا كاس العالم.

هما اللى خسروا واحنا كسبنا عشان نوفر 30 مليون حد تانى يسرقهم احسن ما يلاقيش حاجه يسرقها يقوم يسرق عظمنا احنا

كل عام وانت بخير ويديم الله عليك الصحه والخير والبركات وتكون على عرفات العام القادم

⊰Ĥ!bØ11⊱ يقول...

هههههه

تدوينة جميلة

سلام

amirelhob يقول...

ميرسى بجد على انك نورتينى وميرسى اكتر على انك بتشكرينى على الرغم من انى مش عارف على ايه بس بجد ميرسى وبجد يا رب تكون مدونتى اللى اقل من متواضعه عجبتك وبجد يا رب متكونش اخر مره تنورينى ومن قلبى بتمنلك كل خير وسعاده وصحه وتوفيق و فرح وابتسامه تدوم يا رب طول العمر

اقصوصه يقول...

كل عام وانت بخير :)

Dr Ibrahim يقول...

كل سنة وحضرتك طيب
وتقبل الله منا ومنكم صالح الاعمال

فشكووول يقول...

السلام عليكم
تحياتى

عيد سعيد وعمر مديد اعاده الله عليك بالخير واليمن والبركات .. وكل عام وانتم بخير وسعاده

مُهاجر يقول...

السلام عليكم و رحمه الله وبركاته .
شـاء العـلي القـدير ووفـقـني في إنشاء واحتي المتواضعه...
والتي ستصبح واحه شاسعه ...
بفضل الله أولاً ...
ثم توجيهاتكم .
و سنضع سـوياً خُطه التدوين في الـمدونه .
وسأكون سعيداً بمن يشاركني في تحريرها .

جايدا العزيزي يقول...

طبعا لازم نهوهو


امال ايه


لازم يبقالنا صوت


والا نروح احسن نموت


لكن انا بسأل كل ده بيحصل ليه


فقدنا القيم والمبادئ


ولا جرا لعروبتنا ايه


اكيد اسرائيل ادتنا عين


وصبحنا فى نزاع وخصام لسنين


تحياتى


اعذرونى على الهو هوااا