حـوار ...جـاد..ونسأل الله الرشـاد.

هو مش نو:

كل سنة وانت طيب وتكون بطلت هوهوة بقى 
اصلي مش بحب صوت الكلاب 
على فكرة يا ... أنا عاوزة اقولك حاجة بجد ربنا امرنا اننا نستعيذ بالله من الشيطان الرجيم لما نسمع نباح الكلب ..ليه مصر تمثل هذا النباح
أرجو تفكر في كلامي من غير اي زعل وأهلا بيك مدونا بناءً.. اكيد ليك أفكارك اللي هتفيدنا وهتمتعنا كمان بس برده ياريت من غير هوهوة
تحياتي*

 الأستاذه الكبيره : جــ مشالي ــهاد .

وحضرتك طيبه وبحجه كبيره ان شاء الله ...شوفي يا ستى..

لو البني آدمين بطلوا كلام ...أنا مش ح بطل هوهوه .

وحضرتك ما بتحبيش نباح الكلاب ...مش ح نهوهو عندك تاني 

ربنا أمرنا نستعيذ بالله من الشيطان الرجيم لما نسمع نباح الكلاب ...

من أي مصدر حصلتي علي المعلومات دي ؟

حضرتك بتسألي ...ليه مصر علي تمثيل نباح الكلاب ...وبجد ح جاوب.

بس قولي لي حضرتك ...ليه ما سألتيش... مجنون ...نفس السؤال؟

ولا فركشاوي ...أو الكحيان...أو عمي فشكول ...أو بنت خيخه أوي

دا علي سبيل المثال..ولو فضلت أعدد لك في أسماء مش ح نخلص .

وأرجوكي انا برضه من غير زعل ...ليه ترحبي بي كمدون ...انا أعرف

ان الواحد يرحب بالضيوف في مكانه ...هو كان النت بتاع مين بقي؟

أما من ناحيه افكاري ...الي ممكن تفيدكم فأنا والله ما بهوهو الا لفايدتكم .

انتم عمالين تشكوا ...من الظلم ...بتظلمونا ليـــــــــــــــــــــــه؟

الأستاذه الكريمه..

انا بحترم تدويناتك وكلامك ؛ لانه له معني..

اما ان حضرتك تكلميني بالأسلوب الجاف ده !!

اعتقد انك بتلومي نفسك ...بس انا مش زعلان

وان زعلت ...ايه يعني ...أشرب من الترعه!!

السلام عليكم ورحمة الله وبركاته
الأستاذ المحترم (هو ..مش ..نو)
ربنا يتقبل منك ونكون كلنا من الحجيج يارب
بالنسبة لما قلت:
( لو البني آدمين بطلوا كلام ...أنا مش ح بطل هوهوه) .
جميل جدا اصرارك على موقفك واعتزازك بفكرك لكن هل عندك حجة او منطق تقنعنا بيه ..؟ أنا أرحب بك لو أجبرتني وأقنعتني أن أحترم فكرك 

وحضرتك ما بتحبيش نباح الكلاب ...مش ح نهوهو عندك تاني) )
يا أستاذ الكل هوهو في أي مكان يعجبك بس من غير ماتزعج حد انا أولهم صدقني أنا منتظرة أشوف أفكارك..ويمكن في الأول قلت أنك اخترت الصورة دي بالذات عشان مثلا حابب تتمثل في وفاء الكلب لكن ما حسيتش بده في مشاركاتك

ربنا أمرنا نستعيذ بالله من الشيطان الرجيم لما نسمع نباح الكلاب ..). 
من أي مصدر حصلتي علي المعلومات دي ؟)

أمر النبي صلى الله عليه وسلم بالاستعاذة بالله تعالى عند سماع نباح الكلاب، فقال صلى الله عليه وسلم: إذا سمعتم نباح الكلاب ونهيق الحمير بالليل فتعوذوا بالله، فإنهن يرين ما لا ترون. رواه أبو داود وغيره وصححه الألباني

بس قولي لي حضرتك ...ليه ما سألتيش... مجنون ...نفس السؤال؟ )
ولا فركشاوي ...أو الكحيان...أو عمي فشكول ...أو بنت خيخه أوي 
دا علي سبيل المثال..ولو فضلت أعدد لك في أسماء مش ح نخلص)
أنا تقريبا رديت على السؤال ده قبل كده بشكل غير مباشر
لأنه ببساطة لو كنت دخلت ولقيت حاجة ما تحترمش عقلي أو تخليني احس إني بضيع وقتي في الفاضي كنت هرفضهم تماما
لو تابعتهم وعرفت هم بيعملوا ايه وبرده بطريتقتهم هتقتنع إنهم ناجحين ..وانك كمان ممكن تبقى ناجح زيهم بس ما تتكبرش على التعليم يا أستاذ (ومش هقولك هوهو )
وبعدين انت ليه تقارن نفسك بأي حد مهما كان وضعه او فكره أنت فكرك مختلف تماما عن اي حد مش يمكن تكون انت احسن من اي حد
.
وأرجوكي انا برضه من غير زعل ...ليه ترحبي بي كمدون ...انا أعرف 
ان الواحد يرحب بالضيوف في مكانه ...هو كان النت بتاع مين بقي؟ 
أما من ناحيه افكاري ...الي ممكن تفيدكم فأنا والله ما بهوهو الا لفايدتكم .
انتم عمالين تشكوا ...من الظلم ...بتظلمونا ليـــــــــــــــــــــــه؟ 
الأستاذه الكريمه.. 
انا بحترم تدويناتك وكلامك ؛ لانه له معني.. 
اما ان حضرتك تكلميني بالأسلوب الجاف ده !! 
اعتقد انك بتلومي نفسك ...بس انا مش زعلان 
وان زعلت ...ايه يعني ...أشرب من الترعه!!

بالعكس أنا ماتكملتش معاك بجفاف أنا رحبت بيك فعلا وكان ممكن اتجاهل مشاركتك تمام او حتى أحذفها وكنت أقدر ..لكن فضلت أرحب بيك ..وحصل والدليل البوست بتاعك ده..بلاش انت تظلمني
وعلى فكرة أنا مش بحترم تديوناتك ..من غير زعل..لكن بحترمك اصرارك جدا ومعاك للأخر لغاية ما تجبرني أحترمها
واحنا مانقدرش على زعل سيادتك 
ازعل انت بس واحنا نراضيك 
تمام..؟سلام

وقد انتهي كلام الاستاذه ...انا بعترف بأنها استاذه بجد..وبتفق معاها و أحترم كلامها ...وأحب انكوا تعرفوا اني بحب العقلاء ولست منهم ...الوحيده (بس خلاص) الي انصفتني ...والي يحبنا ..يجينا ...ونروح للمبيحبناش ...وزي ما بتقول الاستاذه ..جـهاد مشالي ...من غير مانزعج حد ...فاصل ونواصل هوهوه